طوبٰی ریسرچ لائبریری: naat

غالباً جولائی ، اگست 1968ء کی ایک جمعرات تھی۔ میں نے عشاء کی نمانہ کے بعدمصر کے قومی شاعر احمد شوقی کےمجموعہ کلام" الشوقيات " سے "الهَمْزِيَةُ النبوية "پڑھنا شروع کیا ۔ رات اور پھر تنہائی جوں جوں پڑھتا گیا شوق میں اور اضافہ ہوتا گیا ۔ جب یہ قصیدہ ختم ہوا تو میں باوضو سو گیا ۔ خواب میں جناب رسول اللہ صلی اللہ علیہ وسلم کی زیارت نصیب ہوئی۔ اس غیر معمولی واقعہ سے مجھے بیحد مسرت ہوئی اور یہ نعتیہ قصیدہ مجھے نہایت پیارا لگنے لگا۔ چنانچہ میں نے اس کے اُردو ترجمہ و تشریح کا ارادہ کر لیا ۔

زير نظر قصيدة "الهمزية النبوية" الشوقیات میں سے لیا گیا ہے۔ پنجاب یونیورسٹی نے اسے ایم اے عربی کے نصاب میں شامل کر رکھا ہے۔ الشوقیات ایک ضخیم کتاب ہے اور وہ بھی بہت کم دستیاب ہوتی ہے۔ ایم ۔ اے عربی کے طلبہ و طالبات کو کافی پریشانی کا سامنا کرنا پڑتا ہے۔ کتاب مشکل ہے اور جہاں تک میری معلومات ہیں اس سے پہلے اس کتاب کا کسی زبان میں کوئی ترجمہ نہیں ہوا۔مولانا عبید الحق صاحب ندوی نے تسہیل نصاب کا ایک سلسلہ شروع کر رکھا ہے، یہ ترجمہ بھی اسی سلسلہ کی ایک کڑی ہے ۔ اس سے طلبہ و طالبات کی پریشانی انشاء اللہ بالکل دور ہو جائے گی۔قصیدہ کی حیثیت صرف ایک نصابی کتاب کی نہیں بلکہ شوقی نے بڑے فنکارانہ انداز میں نعتِ رسول صلی اللہ علیہ وسلم کے مقدس عنوان پر دل کی گہرائیوں سے اشعار نظم کئے ہیں۔ اس ترجمہ سے ہمارے علمائے کرام محظوظ اور خطبائے مساجد مسرور ہونگے نیز مدارس دینیہ کے طلبہ اور تمام اُردو دان حضرات اس سے مستفید ہونگے ۔ میں برادر مکرم مولانا محمد عارف صاحب ایم اے اور استاذ محترم مولانا حافظ نور الحسن خان صاحب کا شکر گزار ہوں کہ انہوں نے اس مسودہ کو اول سے آخر تک پڑھا اور بعض مقامات پر میری رہنمائی فرمائی ۔ میں حافظ نور الحسن خان صاحب ،حضرت مولانا محمد اجمل خان صاحب خطیب پاکستان اور جناب ڈاکٹر سید عبداللہ صاحب کا تہ دل سے شکر گزار ہوں کہ انہوں کے تقریظ لکھ کر میری حوصلہ افزائی فرمائی۔ اللہ تعالیٰ ان سب بزرگوں کو جزائے خیر دے۔ میں مولانا عبید الحق صاحب ندوی کا ممنون ہوں کہ کتاب کی اشاعت کے سلسلہ میں اگر وہ بھر پور تعاون نہ کرتے تو شاید کتاب اتنی جلد منصئہ شہود پر نہ آسکتی ۔ میں نے حتی الوسع باحوالہ نقل کرنے کی کوشش کی ہے اور مصادر کی فہرست بھی شامل کر دی ہے ۔ تاہم انسانی کمزوری کے تحت اگر کوئی سہو ہوا ہو تو اللہ تعالیٰ معاف فرمائیں ۔

اللہ تعالیٰ سے دعا ہے کہ وہ اس کتاب کو نافع بنا ئیں اور تمام مسلمانوں کو اس سے متمتع ہونے کی توفیق بخشیں۔ آمین ۔

۲۰ جولائی ۱۹۶۹

حافظ فيوض الرحمن المقرى(جمادی الاول 1389)

مکمل تحریر اور تبصرے>>

لغات و فرہنگ

Friday, 26 September 2025

کتب سیرتِ رسول ﷺربیع الاول 1444ہجری

Monday, 22 September 2025

کتب سیرتِ رسول ﷺربیع الاول 1444ہجری

Tuesday, 10 December 2024