جمالیات قرآن کی روشنی میں
تایف : ڈاکٹر نصیر احمد ناصر
پیشکش : طوبیٰ ریسرچ لائبریری
08جمادی الاول1443 ہجری
JAMAAMLIYAAT QURAAN KI ROSHNI ME
AUTHOR: DR NASEER AHMED NASIR
مزید کتب کے لیئے دیکھیئے صفحہ "قرآنیات "۔
#TOOBAA_POST_NO: 334
- Topics
- quraanyaat, Quraaniyaat, قرآنیات, PIGHAAM, TEACHING OF QURAAN, پیام, پیغام, تعلیمات قرآن, ADAB, FALSAFA, aestheticism, جمالیات, فلسفہ, قرآنی مقالات, ادب
-
بسم اللہ الرحمن الرحیم
تبصرہ
جمالیات قرآن حکیم کی روشنی میں : ڈاکٹر نصیر احمد ناصر ایم اے، ڈی لٹ
نیشنل بک فاؤنڈیشن، ایڈیشن 1976ء
تمام سلسلہ موجودات ،کائنات، انفس و آفاق، روح و مادہ، ذرہ سے کرہ اور کہکشاوں تک، حتی کہ ذرہ کا جدید منکشف شدہ باطن الوجود الیکڑون پروٹون ، نیوٹران اور حیاتیات کی ادنیٰ ترین خلیات ، نیز زمان و مکان ، خیر و شر مادیات ،خیر و شر ، مادیات و مجردات، ناسوت اور لاہوت اور ان سب کے ظاہری و باطنی سسٹم اور نظامات یہ سب کچھ چونکہ ایک ذات وحدہ لا شریک کےتخلیق و ڈیزائن کردہ کرشمہ ہائے قدرت اور منظم و استوار کردہ جلوہ گاہ ناز ہیں ، اس لیئے ان سب میں حسن و جمال اور تناسب و اعتدال ہے ، نافعیت اور دائمی مقصدیت ہے ، آفاقی اور مستقل و مسلسل افادیت ہے ، اور یہ مقصدیت و افادیت خود موجودات میں منعکس حسن و جمال کے ہی اجزاء ہیں۔
میری سمجھ کے مطابق یہ کچھ حاصل و نچوڑ ہے 300 صفحات پر پھیلی ہوئی اس کتاب کے مباحث کا ، لیکن یہ سب مباحث دقیق و عمیق علمی و فلسفیانہ اسلوب میں بیان ہوئے ہیں۔ اس لیئے مفکر اور شہ دماغ لوگوں یا فلسفہ و لٹریچر کے مطالعہ کا ذوق و فہم رکھنے والوں کے لیئے یہ کتاب مفید اور قابل قدر ہے ، سب مباحث میں آیات بینات کو اشارہ ، تائید یا برہان کے طور پر جابجا لایا گیا ہے ، ابتدائی ابواب میں مغربی فلاسفہ اور اسکالروں کے اقتباسات ، فن ، آرٹ ، تخلیق اور عالم گیر و ہمہ گیر حسن و جمال کے متعلق آگئے ہیں۔ اس طرح حسن و جمال اپنے وسیع فلسفیانہ اور عارفانہ مفہوم میں جو کچھ ہے ، جیسا ہے ، جتنا ہے ، اور یہاں سے وہاں تک اور کہاں سے کہاں تک پھیلا ہوا ہے اس کے متعلق جدید و قدیم ، مذہب و فلسفہ ، اور وحی و عقل ہر دو زاویوں سے قیمتی اور قابل قدر مباحث آگئے ہیں ۔
یہ کتاب در حقیقت مصنف کا مقالہ ہے جس پر پنجاب یونیورسٹی نے آپ کو "ڈی لٹ " (ڈاکٹر آف لٹریچر) کی ڈگری عطا کی ، اور 1958ء کے سال کی بہترین علمی کتاب بھی یہ قرار پائی جس پر پنجاب یونیورسٹی نے ڈاکٹر موصوف کو اول انعام سے سرفراز کیا۔
مبصر:مفتی امجد حسین(مدیر:فقہ السنہ اکیڈمی، راولپنڈی،پاکستان)
